பிரபாகரன் படம் கிழிப்பு: இளங்கோவனை கைது செய்யக்கோரி பிரசாரம்!

ஈரோடு:

பிரபாகரன் படம் தாங்கிய பேனரை கிழித்த ஈ.வி.கே.எஸ். இளங்கோவனனை கைது செய்யவலியுறுத்தி ஈரோட்டில் பிரசாரம் செய்யப்பட்டுவருகிறது.

ஈழவிடுதலைப் போராட்டத்தில் உயிர்த்தியாம் செய்த மாவீரர்களுக்கு அஞ்சலி செலுத்த ஈரோட்டில் வைக்கப்பட்டிருந்த பேனர்களை காங்கிரஸ் தலைவர் ஈ.வி.கே.எஸ்.இளங்கோவனை தலைமையில் சென்ற காங்கிரசார் ஊர்வலமாக சென்று கிழித்தெறிந்தனர்.

இதற்கு தமிழ் ஆர்வலர்கள் கடும் எதிர்ப்பு தெரிவித்து ஆர்ப்பாட்டம் நடத்தினர். இந்நிலையில் மாவீரர் நாள் அஞ்சலி பேனர்களை கிழித்தெறிந்த ஈ.வி.கே.எஸ்.இளங்கோவனை கைது செய்ய வலியுறுத்தி ஈரோடு மாவட்டம் முழுவதும் பிரசாரம் செய்யப்பட்டுவருகிறது.

ஈரோடு மாவட்டம் கோபியில் இளங்கோவனை கண்டித்தும், அவரை கைது செய்யவலியுறுத்தியும் பொதுமக்களிடம் துண்டறிக்கைகள் விநியோகம் செய்யப்பட்டது.

மேலும் இளங்கோவனை கண்டித்து கண்டன பொதுக்கூட்டம் நடத்தப்படும் என்றும் துண்டறிக்கையில் அறிவிக்கப்பட்டிருந்தது. இதுபோல மாவட்டத்தின் பல பகுதிகளில் துண்டறிக்கைகள் விநியோகம் செய்யப்பட்டுவருகின்றன.

இந்த தகவல் அறிந்த போலீசார் துண்டறிக்கை விநியோகத்தில் ஈடுபட்டவர்கள் குறித்து தீவிர விசாரணை நடத்தி வருகின்றனர். இதனால் கோபி பகுதியில் பரபரப்பு ஏற்பட்டுள்ளது.
நன்றி:தெனாலி